تعليقاً على الهجوم الذي تتعرض له الممثلة اللبنانية نادين نسيب نجيم، علّقت الإعلامية رئيسة تحرير موقع "الفن" هلا المر :"يعني ما بعرف ليش في ناس جوعانين الشهرة وفاقدين الادب بيسعوا للفت النظر بأتفه طريقة ممكنة… نادين نسيب نجيم نجمة لبنانية منفتخر فيها … جمال وذكاء وموهبة … خلص حلوا عنها .
. تركوها تبدع وتبدع وتبدع منحبك ندون.. خليكي هيك متل ما انت"، لترد نادين بالشكر.
وفي تفاصيل القصة فقد كتب أحدهم :"ياسمينا زيتون هي كل شي بيمثلو الجمال الطبيعي، ذكاء وثقة وعلم وثقافة وخفة دم، يعني كل شي ما بتمثلو نادين نجيم"، لترد الصحافية إيناس كريمة وتكتب:"انا بس قريت ندين نجيم عملت لايك لو ما بعرف ياسمينا، بس ببساطة بتوقع ما بقى يلتقى بمواصفات ندين المرتّة".
فردت نادين كاتبةً:"بعتولي هيدي الصورة انا ليش بكل عرس الي قرص انا شو خصني بياسمين و الف مبروك الها و بتستاهل بس انا والله مني ملكة جمال لبنان الوحيدة يلي طلعت في كتير غيري ! ما عم بفهم شو مشكلتكم معي ليش قلة التهذيب بحقي على الطالع و النازل انا مني بنت هل بلد يا عمي ؟ انا لبنانية و مثلت بلدي احسن تمثيل اذا بدكم تباركوا لغيري او تدعموا غيري ليه بدكم تجيبوا سيرتي بالعاطل انا شو ذنبي ؟".
ولم ينته الأمر هنا ، بل ردت إيناس:"ندين عزيزتي، بليز وقّفي تحسي حالك مُستهدفة!
في ناس بتحبك عالمستوى الفني والشخصي، وفي ناس لأ! مش لازم كل الدني تكون من "فانزاتك"!
منيح شفتِ هاي ما شفتِ اللي حطّيتا على انستغرام وردود الناس عليكِ، كنتِ فهمتِ انو القصة قصة رأي ومش مسألة شخصية! في ناس بتتقبلك وناس لأ! عادي! انا كمانة، في ناس بتحبني وكتير ناس ما بتطيقني. يعني رأينا فيك ما بيغير شي من نجوميتك. Chill."، لتعلق نادين:"شكراً ايناس بتحكي بأصلك حبيبتي"، وترد إيناس:"انتِ بتعرفي انو اصلي طيب، من تجربة سابقة! بقا لا تعزفي على هيدا الوتر يا ندين! ما في رأي فيكِ بيلغي وجودك.. وهيدي القناعة الوحيدة اللي لازم تمسكي فيها. موفقة".
وفي السياق نفسه ردت نادين على تعليق وردها: "نادين يا حبيبتي رح قلك ليه .. بيعرفو انك عم تردي عكل شي بينكتب وقت توقفي تعبري هالتعليقات رح يزهقو بس هيك رح يضلو يكتبو ليستفزوكي طنشي طنشي"، بـ:"لا يا اسامة لا انا مني هيك انا مصدومة انه ايناس شخصياً كنت بعزّها ما توقعت منها هل حكي و هل مواقف كتير عم تتكرر يعني خلص صارت سيكة صرت انا مضرب مثال كل حدا بيسوى و ما بيسوى بده يجيب سيرتي من دون سبب … انا عم بحكي حتى الناس تتعلم من قليل الادب … الادب و حتى نحنا ما نكون مثل هل عالم و نقدر نوقف بوج هل النميمة".
